Новата насмевка

ја ставам единствено

кога излегувам.

Не би било убаво

да се оштети.

Тогаш повеќе светкам,

ако тоа не е навика,

се качувам на сите престоли

и им го покажувам патот

на послабите.

Имам и десет деца

и малечко куче

за прошетка.

А сепак ти танцувам низ дома

додека јадеш

и ти ги покажувам

додека спиеш

набавките од распродажбата

и ти светкам во главата,

светкам

и не дишам.

 

 

Превод: Живко Грозданоски