1. сенка

 

светкав морски шир

напладне, танц на сенки

врз дини со кремен.

  1. рибарки

 

плетенки мрсни

на бронзе-кожи рибарки –

божем харинги

  1. доручек

 

овошни коцки –

прелив од кокос и мед,

мусли и урда

  1. коктел

 

чаша маргарита

со пораб сол – боде и кутка –

жежок морски ден

  1. крајбрег

 

стреи, знамиња,

крпи, чаршафи се веат на

лутав  прилив ветер

  1. колиби

 

колиби начичкани

басот ечи во транс микс

борба за пазар

  1. сончање

 

топлес  тела горат –

бели до излупени црни –

тајни што сонце жарат

  1. изгореница

 

кожа жежи, жари – горлив

воздух го пара печот

на солта со спор смиреж.

  1. студио

 

свеж воздух в студио

топи сини бои – темната ја гаси

црвената топлина надвор

  1. . енергија

 

лажен спор чекор

леко ми слева во крв –

искри живот од смрт

 

 

Превод: Ана Топенчарова