Чиранан Питприча е автор и преведувач, како и истакнат историчар, културен менаџер и просветен работник. Во 70-те години од 20 век била позната личност во рамки на тајландското студентско движење. Речиси непосредно по враќањето од џунглата во 1981 година, нејзината песна „Напукнато камче“ била избрана за „Најдобра песна на годината“ од Меѓународниот ПЕН, Тајланд. Потоа го продолжила образованието на Универзитетот Корнел во САД каде дипломирала и магистрирала историја. Нејзините дела опфаќаат поезија, патеписни написи и социјални коментри. Во 1989 година, за првата книга поезија, Загубениот лист, ја добила престижната Награда за пишување на Југоисточна Азија. Во 1992 година, нејзината песна „Прв дожд“ била избрана за „Најдобра песна на годината“ од Меѓународниот ПЕН, Тајланд. Учествувала во бројни меѓународни поетски настани, а поезијата е преведена на англиски, германски, јапонски, шпански, корејски и малајски.