Хесус Сепулведа (1967) е чилеански поет кој е објавен во повеќе од 12 земји и држи поетски читања во Чиле, Америка, Аргентина, Боливија, Бразил, Костарика, Мексико, Канада, Италија, Шпанија и Никарагва. Во деведесеттите го уредувал чилеанското списание Кожата на леопардот/ Piel de Leopardo, а потоа заедно со американскиот поет Пол Дресман го уредувале билингвалното книжевно списание Хеликоптер.
Автор е на осум стихозбирки меѓу кои Место на настанок/ Lugar de origen (Santiago 1987), Царство на паднатиот принц/ Reinos del príncipe caído (Santiago 1991), Уцена/ Correo negro (Buenos Aires 2001), Хотел Маркони/ Hotel Marconi (Santiago 1998), работна маса/ Escrivania (Mexico, 2003), Антиегоизам/ Antiegótico (Viña del Mar 2013), Секвоја/ Secoya (New York 2015). Неговата трета стихозбирка Хотел Маркони/ Hotel Marconi била екранизирана во 2009 во Чиле, ре-издадена во билингвално издание на шпански и англиски во 2006 и 2012 година. Уцена/ Correo negro добила прва награда од аргентинското списание Црно куче/Perro Negro и ре-издадена во Чиле во 2008. Неговите одбрани песни се собрани во Песни на варваринот/ Poemas de un bárbaroin 2013. Автор е на манифестот на зеленит анархист Градината на чудесата/ The Garden of Peculiarities(2002), преведена на англиски , француски, италијански и португалски, објавена во Аргентина, САД, Канада, Бразил, Италија, Чиле и Франција. Во 2008 заедно со Амадо Ласкарте уредил антологија на есеи Бунтовни и земни/ Rebeldes y terrestres. Добитник е на стипендијата на фондацијата Пабло Неруда и стипендијата доделена од фондот за книги и предавања спознорирано од чилеанската влада, има докторат по Романски јазици и предава Креативно пишување на шпански како и познат курс по поезија на Универзитетот во Орегон. Денес, живее во Јуџин, Орегон, САД.