Марио Бохоркес Мексикански поет, преведувач и есеист. Роден е во Лос Мохис, Синалуа на 24 март 1968. Автор е на неколку стихозбирки, и неговите дела биле наградени со Националната награда за поезија „Клеменција Исаура“ (Clemencia Isaura) (1995) Националната награда за поезија „Енрикета Очоа“ (Enriqueta Ochoa) (1996) наградата за поезија „Абигел Бохоркес“ (Abigael Bohórquez) (1996), наградата за книжевност Белaс Артес/Bellas artes, Националната награда за поезија „Агуаскалиентес“ (Aguascalientes( (2007) и националната награда за книжевен есеј „Хосе Ревуелтас“ (José Revueltas). Добитник е на грантот наменет за млади творци доделен од Националниот институт за уметности, грантот од Националниот фонд за култура и уметност, грантот од Дирекција за испитување и развој на регионалната култура, како и грантови од Државниот фонд за култура и уметност од Синалуа и Долна Калифорнија. Од 2007 член е на Националниот систем на творци на уметност (Sistema Nacional de Creadores de Arte).